Indonesia Part 2 - wir wollen noch da bleiben....

Helloooo und guten Tag allerseits, mier hoffe, euch goengs so super wie ues? (Jaaaa, mier wuesse wis mitem Waetter ir Schwiz usgseht u jaa, mier lide scho chli mit euch mit!)

Scho beinahe lang ists her u mier hi wahnsinns spannendi, idruecklichi, ueberwaeltigendi, "grusigi", feini u enorm schoeni Erlaebnis hinder ues.
Nach Thailand simer witer uf Malaysia, Kuala Lumpur, u hi dert es paar suprigi Taegli (inklusive Regenschauer bis zur halbe Evakuierig vom Restaurant) verbracht u naer simer witers uf Makassar, Sulawesi gfloge u si iz i daem wuerklich idrueckliche Land sit Afangs Mai.
Lange Busfahrten standen auf dem Programm... Sage und Schreibe 53 Stund in ganz Sulawesi simer mitem Bus unterwegs gsi (beinhaltet 2x e Platte u 1x e Landrutsch)

Nach der erste 17-stuendige Busfahrt simer fuer 4 Taegli in Tana Toraja verwiilet u das isch, in Punkto Kultur, dr absolut Oberhammer gsi. Mier hi Zeremonie bsuecht u z Laebe vo de Torajaner doerfe lehre kenne u si o ufere traditionelle Beerdigung gsi (d Erklaerig wieso nimmt z viel Zile i Aspruch, drum loeh mier die waeg... wes nech interessiert, choene mier euch gaern ir Schwiz bimene feine Fondue drueber Uskunft gaeh!) u das het ues wahnsinnig beidruckt.
D Luet i ganz Sulawesi, wi o scho vorher in Indonesie (usser Bali), extrem fruendlich u haerzlich u si riese stolz, wesi di mit "hello mister, hello misses" choene begruesse.
Nach dere churze aber idrueckliche Zit in Toraja simer witers (wen wunderts.. erneut mit dem Bus!) uf Tentena (13 Std.), Ampana(9 Std.) u naer mit dr Faehre 6 witeri Std. uf di wunderschoeni Inselgruppe Togean, wo mier fuer 5 Taegli in Kadidiri hi gnaechtiget u z Toucherlaebe so richtig hi gnosse, suprigi Luet troffe u am Abe bi Bierchen u Guezi doch no mal es Poker hi gspilt u ueber di schoeni Unterwasserwelt hi plouderet.
Di cheibe Insle si schwer z erreiche, aber no viel schwerer fallts eim, die naer ume z verlah...

Da mir aber undsverrecke no uf di Bunaken hi wele ga touche, hi mir ues relativ schweren Herzens nach 6 Taegli vo Togean muesse verabschide u hi ues mit paar anderne mit dr Faehre usem Stoub gmacht u si witer Richtig Norde uf Gorontalo gfahre (11 Std.). Am 3 am Morge in Gorontalo gstrandet... dert umgstige ine Minibus (mier si sibe Persone gsi!!) u si dert witeri 14 Std. uf Manado greist. Mae mues hie fasch bemerke, dass di agebnigi Zit igentlich 8 Std. betriit, aber uese halbblind Fahrer het chli lenger gha u mir hi, will d Tanki isch zue gsi, no zu ihm hiim muesse ga Benzin uffuelle.....Solche Details sind hier an der Tagesordnung u irgendwie scho fasch haerzig... :)

Ja... Manado.... Besser gsiit e Stadt wo ned wuerklich sehenswert isch... Us daem Grund simer am Tag druf mitm Boot uf di fuers Touche bekannte Bunaken greist.  Wir wollten eigentlich mal so rund 4 Taegli blibe.. so 4 - 6 Touchgeng mache... isch ned ganz ufgange... Mir si nach schlussendlich 9 Taeg u 13 Touchgaeng huet ume retour uf Manado gfahre - sprich: es isch sensationell gsi....
Was mier scho alls unter Wasser hi doerfe gseh, chamesech gar ned vorstelle... Vo chline, komische Gebilde ueber riiiiesige Fische... es isch ueberwaeltigend gsi u absolut unvergesslich fuer ues. Zu unserer Liste gehoeren beispielsweise: Tuna, Pufferfisch (Chantis Liebling!), Triggerfish, Haie, Schildchroett, Seepferdli, Mandarinfish, Nudibranch (wine schoene Schnaegg unter Wasser), Ghostpipefish, Napoleonfish, Barracuda, Frogfish (Steffs Liebling!), banded Seasnake, Stingray, Scorpionfish, Lionfish, Papageienfish, NEMO etc. sowie unendlich vieli Korallearte u -farbe.

Zum Mittraeumen hi mier euch im Ahang s paar Bildli vo dene Kreature.
Viel Spass bim agugge!

Morn "muesse" mier leider das beautiful Sulawesi verlah, fluege via Jakarta uf Bangkok - somit bye bye Indonesia... wir werden dich sicher (bald) wieder besuchen!

Mier waerde dr Juni, sprich (scho) dr letscht Abschnitt vo uesere Reis, in Kambodscha verbringe u mier gfreue ues riesig uf di letschte paar Taegli in Asien!

Mier denke ging fescht a euch u druecke euch ganz ganz dolle u ja, dises Mal chame scho fasch saege "bis gli"!

Chaefer + Schnugi

 Welcome to Tana Toraja

 

Eine Art von Begraebnis in Tana Toraja

Kadidiri Paradise... Togean Islands

Orang-Utan Crab in Bunaken

Mandarinfish (von uns aus gesehen der Schoenste!)

 

 

Ueee... Schnugis Pufferfish

 "Ta...ta...taa...ta..." 4x mehreri black tip sharks.. :)

Ghost-pipefish

Die schoenste Schnecke der Welt... 

Und zu guter Schluss: der majestaetische Lionfish

Welcome in T-HAILAAANDEEEE

Jawohl, wir lieben Thailand!
Nachdem halb China und mier in Phuket si glandet, himers due doch de no irgendwie miteme Minibus id Stadt gschafft u afe is es riiesigs "Freudenbier" trunke - in Phuket himer naemlich d Tane troffe u si het unterwegs no gad dr Markus, e Duetsche (siehe Bild unten), ufgablet u de ono gad mitgnoh.
Mir his super gha. Phuket isch (fuer mi nach wie vor) net so dr Brueller, drum simer am naechste Tag scho gad witers Richtig Khao Lak gfahre. Wunderbar dert.. haerzigi Strass mit super Restaurants, Laedeli u es paar Touchshops. Mier his ues net la naeh, Thailand o unter Wasser z erkunde u hi sogar d Tane drzue bracht, e Probetauchgang z mache :)
Z Touche saelber isch never ever so schoen gsi wi in Indonesie, mir hi aber e super Gruppe gha u e wunderschoene Tag auf See doerfe verbringe.
Nach Khao Lak simer witers uf Koh Phi Phi....wow...
zum Glueck isch Nebensaison, es isch scho jitz zimlich viel los gsi aber im Dez / Jan explodiert die haerzigi Insle schins ueber alle Massen....
Mir hi mitem Boot di naebenliegenden Insle erkundet (Bamboo Beach, Maya Beach) u si sogar a de Strand, wo Leonardo Di Caprio (schmacht...*g*) vor ueber zaeh Jahr sein Traumstrand (wer kennt den Film?... genau.. The Beach) het gfunde - u zu Recht.. es isch immer no wunderschoen!
Churz druf (ja, mir hi e halbe Marathon haeregleit) simer scho ume witers u zwar uf Koh Lanta, eine wunderschoene Insel, wome super mitem Toeff cha erkunde - het riese gfaegt.
U ds Abeprogramm mit peinlichen Auftritten vo bsoffene Schwizerinne u Duetsche (Alter: 50+!!!) het ues also o extrem amusiert :)

Wiiiiters uf Krabi - ging no sensationell mit dene verschidene Inslene oder Buchte, wome cha bsueche (Ao Nang, Poda Island, Railay Beach). U o dert, ifach e superzfrideni Atmosphaere.
Mir hi ues naer in Krabi vor Tanja u vom Markus verabschiedet (Tanja ging nach Hause - Markus blieb haengen!) u si naer quer vo Weste nach Oste gfahre u nacheme fuer ues sehr lange Tag schlussendlich in Koh Phangan glandet... Ueee.. dert si di lengendere Full- und Halfmoonpartys und jaa, mier si am Abe am halbi 8 acho u am 10 naer ad Halfmoon... u jaaa... es isch dr Renner gsi :)
Das war gestern... im Eiltempo witers simer huet mit dr Faehre uf Koh Tao u blibe jitz fuer 3 Taegli da. Es isch erneut ifach riese haerzig u extrem gmuetlich..
Thailand isch waesentlich mehr touristisch u entwicklet als Indonesie, aber het ging no e wahnsinnig grosse Reiz u macht ifach riese Spass - mier gniesses extrem.

Aber genug Geschwaerme.. mir poste euch no es paar Bilder de choent ier euch e igeti Meinig bilde :)

Ein ganz fettes Busserl aus einem weiteren Paradies (wir kriegen nicht genug - u vom Schweiz-Heimweh simer bis jitz verschont blibe....!) u mier hi euch ifach extrem schampaar gaern!

Chaefer + Schnugi

Links: scharfes green curry mit chicken

Rechts: scharfer papayasalat

Fazit: yummmyyyyyyy

 

An Bord fuer uese Touchusfluug

 

Noch Fragen? :)

 

 

Same same but different :)

Bamboo Island, Koh Phi Phi

 

In der Naehe von "The Beach"

Maya Bay

 

 

Der exklusive Braeunungstest!!!

Switzerland vs. Germany...

Wer gewinnt? :) 

Poda Island, Krabi

 

Beautiful (!!!!) sunset in Koh Tao

(vor 3 Stunden!)

 

Endlich.... lang ist's her :)

Etwas zum traeumen.....(fuer die Schweiz)

Halloo erstmal und ja, mier his endlich haerebecho, ume is es paar Fotos uechezlade ueee :)
Die Bilder unten si no vo Indonesie (wir sind immer noch hin und weg!) u nacheme lange, lengwilige Text obedrann (Welcome to T-HAILANDEE) folge naer no paar Fotos von dert :)
Viel Spass und nicht allzu grosses Fernweh wuenschen wir euch!

Kelimutu - Vulkan mit 3 Seeli, wo d Farbe waechsle

 

Welcome to Kanawa Island, Flores....

 

Very veeery nice vulcanoo in Java (Gunung Ijen)

 

Happy hour bei ein paar Einheimischen in Moni, Flores

(includes drinking a lot of Arak - indonesian alcohol...phu)