Fotos*

Hello unsere lieben Freunde der Sonne

Hie no wie versproche paar Fotos (si ned frueher drzue cho - de Stress ging hihi)

Viel Spass*

La Perouse Bay, Maui <3

 

Ueses Abschlussgrille in Maui :)

Lava... wunderschoen warm

 

Chaefer am Marshmallows "grille" (i 2 Sekunde sisi fertig)

 

Lava  again (Lavawanderung  Big Island)

 

 

Noch mehr warmes Zeugs (wir kriegen nicht genug) 

 

Abartige Hitze und Regen vertraegt sich  gut :)

 

 

*Fotoooos*

 

Just Chaefer :)

 

 

Suneundergang in Mau (bye bye...)

 

Chaefer + Turtle

 

Schnuger + Turtle

 

 

Chaefer + Schnuger + Turtle

:)

*merry x-mas*

Helloo und einen wunderbaren guten Tag allerseits

Mier wuensche allne (womer no ned hi u natuerlich ono mal dene, womers scho hi gsit) nachtraeglich wunderschoeni Wiehnachte u hoffe, ier higet aller es suprigs, unvergesslichs Fest doerfe fiire!

Mier si, nach sehr coole u idrueckliche 4 Wuche Maui, mittlerwile in Big Island u it's raining all the time, Hilo (i dere Stadt womer si) isch ihne vo dae raegeriichste Stedt hie ufer Insle. Warm ischs aber glich u henne zfriede. U da mier igentlich hie sowieso im Grosse u Ganze "nume" di fluessigi Lava hi wele ga beguetachte, isch das waegem Raege o net witer tragisch. Vor allem hets hie naeb uesem Backpacker e Chino, wome e Film fuer 2 Dollar cha ga agugge - super Alternativprogramm bei Regen.
Vor allem muesse mier sowieso fuer di naechste 1-2 Wuche die Sonne meiden..... :)

No zur Lava... nachemne 2 stuendige Walk simer bir wuerklich unbeschriblich heisse (fluessige u extrem orange, rote) u wunderschoene Lava acho. Scho idruecklich.... hi Marshmallows grillet (also ja, hesch se 2 Sekunde ueber dr Lava u si si scho fasch schwarz hihi) u ja, es isch aes wuerklich schoens Erlaebnis gsi!!
Daumen hoch! Es het gschiffet wie bloed aber das het gar ki Rolle gspilt!!!
Wos idunklet het gha, simer naer dr ganz Weg ume retour glueffe, uf dere karge u wunderschoene "Mondlandschaft" aka itroechneti Lava. :)

Huet Abe (25 dec) fluege mier witers uf Kauaiii (well known us de Filme Jurassic Park u Avatar, also landschaftlich), wo mier de di naechste 4 Taegli waerde verwiile, bevor dass mier naer Silvester in Honolulu waerde fiire (ueeee).

Mier maelde ues de sicherlich us Honolulu u wuensche euch afae e super Woche u witerhin so warmi Temperature (u bitz schoens Waetter) u haebet Sorg - mier hi euch uh gern.

Schmatzer* vo ues zwuene :)

Eine "neue" Welt.....

Aloha zämä - mier si nach wie vor in beautiful Maui (we like it... äs isch ifach super da) u hi üs due endlich drzue entschide, ds PADI Open Water Touchprevet z machä :).

Churz u bündig: Äs het riese gfägt u mier hi also beidi bestande - u mier gfreue üs uf di Touchgäng, womer de no wärde dörfe erläbä :).

Hie afä ä chlinä Iblick in "eine neue Welt..." :)

Muntsch* u blibet frisch***

Steff/Stifu/Globi/Rüegs & Chanti/Schäntu/Schnugg/Schnegge :)

 

After the second "Tauchgang"

 

Chrebsli unter Wasser :)

 

 

Chäfer in Action

No meeh - aka - Nachschub

Üse erscht Tag i Oahu (Hawaii)

Schnorchlä bi Lanai (blubb blubb)

Beautiful....

Mitm Nati u Domi bim Schnorchelusfluug :)

Hautnah... Schildkröte uf Maui

Weil's einfach so schön ist...

Sunäuntergang vo üserä Terrasse us

No is ihnä, will si ifach so schön si :)

*** Aloha ***

Unseren lieben Freunde der Sonne, hoffe, öich gits allnä guet u ier versinket ned z fescht im Schnee? (Wir haben Bilder gesehen u äs "tschudernet" üs gad bi däm Ablick - füehle also scho es Bitzi mit öich)...

Ja, scho si umi fasch drü Wuchi um u mier hi umi viel viiiel dörfä gseh, machä u erläbä!

Nachm letschtä Itrag himer due meh oder weniger erfolgreich üses Auto chöne in Los Angeles abgäh u si när gad diräkt am glichä Tag ufä Flüger für uf LAS VEGAS :)
Las Vegas isch o nachem zweite Bsuech es Kapitel (nach wie vor sehr es cools!) für sich, si no eis super 3 Tägli gsi mit Hochs und Tiefs (Roulette...), feine Cocktails u paar knackte Jackpots (leider ned vo üs). Bilanz = Sidäfiin!!

Nach üsem suprige Bsuech in Vegas folgte ä rächt lengfädigi u chalti Nacht am Flughafe in Los Angeles (chalt = uf 15 Grad ache klimatisiert), wo nix het offä gha u mä o ned würklich es Auge het chöne zue due. Aber d Vorfrüüd ufe Flug in Richtung Hawaii het überwoge u dementsprächend himers rächt locker gnoh :)
Mier si när am 5 am Nami ufe Flüger u Ortszeit när ca am 11 am Abä im Hostel in Honolulu, Waikiki, acho. Super Hostel mit uuh zfridnige Lüt, scho gad am nächste Tag himer, nachdäm mier mal z Strandläbä usgiebig hi gnosse, 5 Amerikaner lehrä kenä u mit dänä himer när due de o gad am Folgetag  ä Rollertour gmacht (nachdäm mier üser Roller nachärä halbä Fahrprüefig due endlich hi chöne miete). Unterwägs simer due de no gad ga schnorchlä.
Z Schnorchlä isch uuh cool gsi, mier hi Rieseschildchrött gseh u uh viel chlini, schöni Fischli.. :)
Am Abä simer när mit dä Amis no anä Schwuläparty, isch auch ein Kapitel für sich aber sehr lustig u amüsant gsi :)

Igentlich himer für 5 Täg in Honolulu z Hostel buechet gha, aber da ds Nati u ihre Fründ, Domi, gad zuefälligerwiis ufer Nachbarsinsel Maui si gsi, himer di zwe letschtä Nächt storniert u due ganz spontan no uf Maui gfloge. Nun sind wir da u es isch GRANDIOS, mir hi mitm Nati u Domi zwe super Täg dörfe verbringe (si si iz leider scho ume witer gfloge id Staate, drum simer o so churzfristig no uf Maui) u hi sogar Asyl i ihrem Zimmer bercho, da mier für so churzfristig gar kis Zimmer hi buechet gha.
Mier hi ä Schnorcheltrip gmacht uf d Inslä Lanai u hi dert drü Mal chönä ga Schnorchlä u das isch atemberaubend gsi - mier hi d Schildchrött us nechster Nechi chöne gniesse (hesch scho fasch müesse ufpasse, dass si dier ned achöme) u hi wunderschöni, seehr farbäprächtigi Fischä gseh - also würklich uuh schön. Delfinä si ono bim Boot verbigschwumä, öppe 20 Stück u bir Rückfahrt himer sogar no ä Wal gseh (es isch Walsaison in Hawaii) u das isch scho äs riese Tütschi gsi - also sehr überwältigend u idrücklich. Fazit: äs het riese gfägt u isch sicher öpis unvergässlichs.

Mittlerwile simer ging no ir gliche Unterkunft bi zwone sehr coole Schwizerinnä im Zimmer :) (Auch wieder Asyl erhalten) u we si de am 7. Dezember abreise, chönä mier när ds Zimmer gad übernäh.
D Unterkunft hie ghört amenä Schwizer u hie si uh viel Interlakner u allgemein Schwizer wo chöme cho Kitesurfä u Windsurfe u äs isch ifach uh stimmig hie u ä wunderbari Atmosphärä.
Ah ja und ein Auto.... uf Maui hesch keine Chance ohni Auto, drum hi mier no eis gmietet u si also scho gad chli überrascht gsi... ä praktisch nigelnagelneue Ford Focus.. knallrot u mit glub no rächt viel PS - für 25 Franke im Tag- chame also o ned viel sägä u ds Fahrä fägt riesig :)

Üser Plän für di nächste Tägli: surfä (himer o scho probiert hie, müesse no chli drhinder mit üebe aber das chunt guet), schnorchlä, Tennis spilä, sünnälä, bädälä, ga trekkä u wanderä u, ja, churz gsit ifach gniesse.
Äs isch würklich unbeschreiblich schön da u mier gniesse jedi Minute.
Hi scho fasch es schlächts Gwüsse (numä fasch...) aber wärdä langsam brun (Steff chli schnäller als ig) u nütze praktisch jede Sunästrahl, äs tuet ifach so guet.

Mier schicke öich doch o äs bitzi Wermi u hi o hie drfür ab und zue chli ä schwizerischi Atmosphäre, weme ume is es "ächts, vor Schwiz mitbrachts" Fondue macht u es Glas Wissä drzue nimmt.

Gniesset d Advendszit (hie isch komisch, Strand, Sand u Weihnachtsdeko passt irgendwie gar ned zämä hihi) u vil Spass bim Güezi bachä u naschä u sit witerhin brav, scho glii chunt dr Samichlous :)

Ä pleger Muntsch u mier hi näch uuu gärn!

Steff u Chanti****

Fotos... ueeee

Golden Gate Bridge in San Francisco....

Hintergrund: die legendaeren Cable Cars vo Frisco

Lecker Irish - Coffee im Buena Vista 

Schoene Bruecke zum 2-ten...

Welcome to Hollywood... (bitte Blick auf Zaehne des Herrn im gestreiften Anzug richten...)

Universal Studios (Meet @ greet mit de Simpsons)

Wir wurden abgeschleppt......

Hellooo unsere Lieben, lang ist's her sit mier ufe Blog hi gschribe aber das cheibe San Francisco hets ues aebe scho chli ataaa drum simer dert ono bitz lenger bliebe als vorerst planet... :) Also nachdem mier gefuehlte 5 Stunde e Parkplatz hi gsuecht u due ihne gfunde hi (wiss iz o wieso dases dert freii Plaetz gha het!) simer Richtig Marktstrass glueffe u da ha ig (Chanti) afae is zersch gad chli leer gschlueckt... Henne viel Obdachlosi u Droegeler... ha gad paar Minute brucht aber das ghoert halt anschinend ifach o zu sore grosse Stadt.... Drfuer isch dr Rescht absolut Hammer gsi, vo Kinobsuech ueber Laedele, Irish Coffee trinke u di legendaere Cable Cars fahre... u da waere dann noch diese Bruecke.... Laeck isch die schoen! Mitemne Bierli ir Hand simer ufe Huegel uecheglueffe u hi dae wunderschoen Usblick uf di no wuenderschoeneri Bruegg gnosse.... :)

Halloween isch ono gsi u naebst paar sehr interessante Kostuem (keine weiteren Kommentare) het z Team vo San Fran no gad d Miisterschaft im Baseball gwunne u dementsprechent isch eine riesen Sause gsi am 31. Oktober... phu :)

Witer simer naer ar Westcoast (wunderschoen zum fahre!!) vo San Fran Richtig Los Angeles gfahre, u hi in Santa Barbara e Halt gmacht. Uh haerzige Vorort vo LA... Leider het ues dr erst Idruck vo Santa Barbara ned vom Hocker grisse, da  ueses Auto, knapp nach Highway-Usfahrt isch zaemebroche (wortwoertlich) u mier si ABGSCHLEPPT worde, hi mier aber naer z Beschte drus gmacht u ds Stedtli halt mitem Bus erkundet (ds Auto isch ir Garage gsi....) Drzue mues me saege - mier hi grosses Glueck im Unglueck gha... hetti ues ja o ir Wueschti chone passiere oder suesch irgendwo im Chrutt us!!!

Schlussendlich simer due doch no einigermasse on time in Los Angeles acho (abartig.... 10 Spure Autobahn u uf 9.5 Spure isch Stau!! - Stifu het di Fahrt super gmeisteret), wo mier duer Malibu (Gruss an David Hasselhoff und Pamela Anderson) u Santa Monica u Venice Beach si gfahre - naer no witers duer Beverly Hills / Hollywood....
Am naechste Tag simer gad i di beruehmte Universal Studios :) u si jitz beidi stolzi Bsitzer vore Jahresitrittscharte, da die glich viel chostet wine einzelne Itritt fuer ei Tag (drum waerde mier am naechste Weekend nomal gah!)..
Ei Hammer nachem andere... a Chaefer sim Geburi (juhuu.. 26 Jahre Stifu) si mier i Six Flags Magic Mountains Park u hi di struebste Achterbahne gnosse... :) Abartig.. vo verchert fahre ueber 7 Loopings bis zu freiem Fall.. es het gfaegt (trotz Verwarnung wegen Alkoholmissbrauch (morgens 09.30 Uhr bei Chant...1 Bier!))
Nach L.A., wo wuerklich RIESEGROSS isch, simer duer Orange Country (OC California) gfahre (uh schoen) u jitz mittlerwile ir entspanntischte u schoenste Metropole vor USA - San Diego... We like...
So.. und jetzt gibts ca. 2 Wochen Sendepause... es folgt L.A again - Vegas again :) dann fliegen wir nach HAWAII... ueee
:)

Take care u e riese Muntsch vo ues zwuene

Globi + Schnuger

Noch drei mehr...

 Horseshoe Bend...

 Joint Trail (20km Marsch..)

Chaefer (super Foto....)

Bildi Teil 2 - zum chli mitgeniessen

 Horseshoe Bend..... wunderschoen

 Rattlesnake aka Schlaengi :)

 Antelope Canyon mit Chaefer u Schnugg

 Route 66.......

 Schnuger in Vegas am Bull ritae im Vollsuff :)

 Chaefer in Vegas ufem Eiffelturm im Vollsuff :)

 Einfach super.....(Death Valley Nationalpark)

Ueses treue Chaereli <3

Bildi Teil 1

 Antelope Canyon.......

 Death Valley Nationalpark

LAS VEGAS BABY :)

Looong time ago

Helloo again, scho es paar Taegli haer sit mier z letscht Mal uf uesem Blog si gsi u ja, es geht uns sehr gut :) Wuesse fasch ned, wo afah.... Mier si nach Salt Lake City Richtig Bryce Canyon Nationalpark, via Capitol Reef naer zum Canyonlands (super - hi dert e 20km Walk gmacht u sogar es Schlaengi gseh - was will man mehr :)) u am "Schluss" simer no i Arches Nationalpark - wunderschoen... Wes ned so viel Luet hetti gha wers no schoener gsi aber merci beaucoup si mier im Herbst u  ned im Hochsommer hie - macht schins scho raecht viel us :) Im Arches simer gaege Abe zum wunderschoene Delicate Arch glueffe u naer ersch bi Daemmerig usem Park usigfahre - uh schoen (Chaefer isch gfahre - i choenti das ned! Sone kurvegi Strass scho fasch wes dunkel isch... phuu).  Naer si mier via Mexican Hat (ned so dr Brueller, hei gmint es sig ned das womer dert si acho :) ) u Monument Valley, daere beruehmte Wild West - Filmkulisse wo wuerklich henne schoen het usgseh witer uf Page gfahre - e schoeni schoooeni Hafestadt mitemne coole Pub, schoene Usblick u eme bim sunneuntergang wunderschoene Horseshoe Bend, wo mier paar Fotos gmacht hi... Am naechste Tag simer z Page ufne gfuehrti Tour (obligatorisch gfuehrt) dure Antelope Canyon und, was soll man da sagen, das isch atemberaubend gsi (siehe Bild) u het ues uuh gfalle. Mier si unterwegs im Canyon ufenes Giftschlaengi (Klapperschlangeeee) troffe u hi naer, dank derae wunderschoene Gattig, fasch e Stund lenger Zit gha fuer no paar Fotos z mache - sogar Chaefer het Frued gha (trotz Schlange) - u sicher sit dere Begaegnig dert ghoert o er scho fasch zude Schlangefruende :)
Soo... witer isches Richtig Grand Canyon gange... u... ja.... mier saege da ned z viel drzue, wi nix negativs saege also erwaehne mier nume dr Sunneuntergang wo uh schoen isch gsi u z Wort "gigantisch" - wo wuerklich ufe Grand Canyon zuetrifft.
Di witeri Fahrt het ues uf Williams gfuehrt, es cools Route 66 - Stedtli womer fein si ga z Nacht aesse (ha no nie sone grosse Burger gseh, wie Stifu bstellt het!) u am naechste Tag naer wuerklich via dr alte Route 66 witer Richtig Vegas gfahre si. Unterwegs hets no paar cooli Stedtli mit Route 66 - Erinnerige gha!
Ja u naer blibt da no Vegas...... VEGAAS i Kombination mit New York .... u no viel Meh!!! Mier si beidi meh als begeisteret u choenes chum i Wort fasse.. SUPER Hotel (New York New York), SUPER Shows, SUPER Party ufem Eiffelturm vo Paris, SUPER Casinos (kein Kommentar zu Gewinnen oder Verlusten) u SENSATIONELLI (gratis)-Drinks waehrend em Zocken im Casino.... Freaky People u viel viel Fun.. blibt da nueme no z ergaenze, dass mier uese Ufenthalt sogar no mal umene Tag hi verlengeret u schlussendlich knapp e Wuche z Vegas si gsi :).

Weitere Reise.... si jitz ufem Weg uf San Francisco (ca Morn waerde mier dert itraeffe - juhuu), u gester het Amerika er Schwiz schneemaessig fasch chli Konkurrenz gmacht, si duere Yosemite Nationalpark gfahre wo uf 3'500 m obe isch u hi also o Schnee gha (i kurze Hose!) u e Tag vorher simer 86m unterem Meeresspiegel im Death Valley Nationalpark vor Hitz fasch vergange - crazy America!
Nach San Francisco fahre mier naer via Santa Cruz, Santa Barbara uf Los Angeles u wette a Chaefer sim Geburi i Six Flag Magic Mountains Vergnuegigspark (die wildesten ACHTERBAHNEN), goeh naer witers Richtig San Diego u via Joshua Tree Nationalpark (Josh Holmes vo der Band Queens of the stone age ga bsueche) zruegg uf LA... bevor mier naer witers uf Vegas goeh.... Jawohl (keine weiteren Kommentare!!!!)

:)
Muchas Gruessli us Californiaaa
Mier hi euch uh gern**

Rund 2.89999898 Wochen SENDEPAUSE

Unsere werten Leser und Leserinnen - A erster Stell wi mier ues natuerlich is ganz herzlich fuer di flissige Laeser ueserer Homepage bedanke - gfreut ues natuerlich ging, we mier es Kommentaerli hi u oeppe o chli wuesse, wies euch git :) Thank you very much! U mir laese de JEDE Kommentar (ifach mal so, dasmes is gsit het) <3

Churz u buendig - mir si mittlerwile in Salt Lake City (die Stadt der Mormonen....) u hi ues hie e
Nacht imene coole Hostel gegoennt, mal ume astendig Chliider gwaesche u is ume imene wuerklich warm ghiiitzte Ruum pfueselet :) Nun wartet noch das Fruehstuck und naer simer ume startklar :)
Si gester chli duer d Stadt u die, was soll man gross sagen, faegt ifach :) Het irgendwie uh viel Luet (no logisch fuerne City) isch aber sehr gaebig z Fuess erreichbar u drum fuer ues super :) Chaefer het gshoppet wie bloed u ig ha mi gekonnt agschlosse (isch biz uebertribe, mir hi also nume reduzierti Ware kuuft :) ) u am Abe himer Koecherlet u ues naer no mitm James Bond - Video (logischerwis uf Englisch) beschaeftiget - het also uh guet da.

Wie bereits im Titel erwaehnt, maelde mier ues fuer di naechste paar Taegli/Wuecheli ab.... Mier fahre uebermorn i di wunderbaaare Einoede (aka div. Nationalparks) u waerde chum Zit u Glaegehit ha, es Internetkafi ufzsueche u in Las Vegas, naehmet es ues ned uebel, himer glub ono einiges meh z tue als als erschts ines Internetkafi z renne - u vor allem chostet dert dr Gebrauch vom Internet 1$ pro Minute u das Geld (bitte seid nicht boese *g*) gaebe mier lieber bim Zocken, Shoppen, Essen + Geniessen us :)
Und JAA - mier haebe fescht Sorg u gaebe z Vegas ned z viel Gaeld us - versprochen :)

Also unsere Holden, mier denke anech u gniesses hie ifach riese fescht, u hoffe, dass bi euch o alles ir beschter Ordnig isch!
Auf bald u druecket ues d Dueme fuer Las Vegas :-*
Stef/Ruegs/Stifu + Chant/Chanti/Chante

Fasch vergaesse

WIR HABEN LAS VEEEEGAS GEBUCHT :) juhuu :) vom 22. oct - 25. oct im New York New York zumene super Preis vo 234 CHF fuer beidi total :) inkl. 50 $ Fressygutschein :) Wir schwelgen in Freude.

Muchas salutas usm chalte (ir Nacht unter 0 Grad - mir si fasch erfrore) :) Jackson - git huet aber witer Richtig Salt Lake City!

**

gester zweni Zit gha... paar Bildli meh :)

 Chaefer <3

BEAUTIFUL YELLOWSTONE