Helloo unsere lieben Freunde des Schnees (ja, mier wuesses... es hat wieder geschneit...)
Die Zeit vergeht im Fluge u mier si jitz gad ds Singapore am Flughafe u fluege ire Stund uf Thailand, Phuket und treffen dort auf alte Freunde - jawohl, d Tane isch dert u mier gfreue ues extrem, es paar Taegli mit ihre choene z verbringe!
Di letschte Taegli himer in Java verbracht u die si praegt gsi vo lange lange Bus- u Autofahrte (ca. 9 Std. mitem Bus) u mehrerne Flueg - aber absolut hammermaessiger vulkanischer Landschaft (wir waren begeistert!!!) Vor allem dr Gunung Ijen (Gunung = Vulkan) isch extrem speziell u fuer ues es absoluts Highlight gsi.
Mir si am Morge am 1 loosglueffe (logischerwis im Dunkle) um di wunderschoene "blaue Fuuer", verursacht duer Sulphur im Vulkan, choene ga z beguetachte. Di Erfahrig het de zimlich astrengend Marsch (zersch 3km ufwerts, naer i Krater achi u ume uechi u nachem Sunneufgang am Morge am 5 alls ume retour) bei weitem entschaediget - fuer ues isch das mit Abstand dr best Vulkankrater gsi, wo mier je hi gseh!
Aber o dr druffolgend Bsuech bim Gunung Bromo (nach witere 6 Stund fahre) isch landschaftlich grandios u fasch ned z beschribe (leider es bitzi Nebel u ohni Sonnenaufgang, was aelwe no is es Muue schoener wer).
Mir si nachem Bromo witeri 3 Std. uf Surabaya gfahre (di 2. groeschti Stadt in Indonesien - fuer ues etwas zuviel des Guten...) u jitz huet am Morge uf Singapur gfloge - wies witer git, steht oben :).
Fuer ues isch klar: Mier gfreue ues uh uf Thailand aber nach somene unbeschriblich schoene, interessante u einzigartige Monet in Indonesie choeme mier nach uesem Thaiabstecher ume zrueg uf Indonesien, fuer no meh z gseh u z erkunde!!
Mier hoffe ganz ganz fescht u vo Haerze, dass ier iz de o endlich chli wermer (u zwar uf Dauer) berchoemet aber schicke euch zur Vorbereitig ufe Fruehlig afe ganz ganz viel warmi u tropischi Muentschi u Gruess usem suprige Asien!!
Mier hi euch uh gern*
Chaefer + Schnugg
Sonntag, 21. April 2013
Mittwoch, 17. April 2013
We have some pictures for you :)
Let's start with this beautiful, amazing creature...
Komodowaran in Komodo National Park, Flores
Labuan Bajo, Flores
We really liked the ricefields in Moni, Flores
Kanawa Island, Flores
Beautiful Kelimutu (Volcano), Flores
Just one of more than a thousand different and amazing fish
in this area... diving is so beautiful
Welcome to Flores :)
Sonntag, 14. April 2013
Part 1 ueber paradiesische, lustige, wunderschoene und lebensgefaehrliche Abenteuer :)
Selamat siang allersits in die immer waermer werdende Schweiz :)
Gad zur "Vorwarnig" dae Itrag wird kurz und knapp - mier si im Stress hie u beschaeftiget wie no saelte zuvor uf uesere Reis :)
Zuesaetzlich zur Info: Ues gits super, mier si NED i daem abgstuerzte Flugi vo Bali gsi u kenne o gluecklicherwiis niemer, wo de Flug hetti choene naeh.
Ja, nach uesem letschte Itrag u uesem suprige Nightdive uf de Gili Island (fette Oktopus himer gseh!!) hi mier ues via Boot i 4 Taeg, 3 Naecht ufne spannendi, lustigi u abenteuerlichi Reis auf nach Labuan Bajo, Flores, gmacht. Jedes Detail vo dem Trip wer erwaehnenswert aber mier maches churz: Aes isch super gsi u mir hi e extrem gueti Gruppe an Board gha - si 15 Luet gsi u mit es paarne simer naer no witerzoge u mit ALLNE himers sehr sehr lustig u guet gha! Stopps uf wahnsinnig schoene, chline, mit wissem Sandstrand gsegnete Inseli inklusive Schnorchle si es absoluts Erlaebnis gsi, sowie dr Bsuech vo de Komodowarane inkl. emene haarstreubende u scho fasch fahrlaessig laebensgfaehrliche Walk ufer Insle Rinca (beinhaltet Komodowarane und drei sehr giftige Schlangenarten - u si hi ues i Flip Flops + churze Hose duere Busch gschickt (d Guides hi aller lengi Hosi u guets Schuehwerk anne gha) - mier hi also aller gschwitzt u das ned nume waeger Wermi... u hi tatsaechlich e hochgiftigi green Viper kruetzt...).
Sogar dr Food uf somene relativ chline Boot isch sidefiin gsi - d Huehner si gad frisch gschlachtet worde (ufem Boot) u jede Tag himer es Fischerboot kruetzt, wo ues "der Fang des Tages" het verbii bracht.
Nach viele Komododragons u suesch no extrem spezielle Tierli (auf Land und unter Wasser) si mier due in beautiful Labuan Bajo acho u hi dert 3 gmuetlichi Taegli verbracht.
Mittlerwile simer bereits via Flugzeug uf Ende, mit Bus auf Moni (chlises Bergdoerfli am Rande eines Vulkans) u am naechste Tag mit Motorbike selber ufe Vulkan zu de wunderschoene Seeli gfahre (Kelimutu). Am naechste Tag himer scho ume z Flugi gnoh fuer zrueg uf Labuan Bajo.
Die ganzi Prozedur isch nume 3 Taeg gange aber fuer ues es unglublichs Erlaebnis gsi, da mier bi es paar iheimische Jungs hi bire "Huusiweihigsparty" uf indonesischi Art doerfe derbii si - u das het e massive Arakkonsum (indonesische Schnaps "ungeniessbar!!") u e spezielli Zeremonie um Mitternacht beinhaltet.
Ja, zrug in Labuan Bajo u direkt witer uf Kanawa Island fuer 2 Taegli chli ga entspanne - u iz simer ume da in Labuan Bajo u goeh Morn ufne taegige Tauchgang mit 2 Dives inkl. Zmittag ufem Boot - mier si voller Vorfreude.
Also, wie gesagt - mier si im Stress (Abschiedsessen mit es paarne Schwede + Hollender womer hi lehre kenne! :) - aber schicke euch e fette Busserl usem wuerklich FUER UES wunderschoene, idrueckliche Land des Laechelns u denke fescht a euch.
Haebet Sorg u mir hi euch uh gern.
Steff + Chanti
Gad zur "Vorwarnig" dae Itrag wird kurz und knapp - mier si im Stress hie u beschaeftiget wie no saelte zuvor uf uesere Reis :)
Zuesaetzlich zur Info: Ues gits super, mier si NED i daem abgstuerzte Flugi vo Bali gsi u kenne o gluecklicherwiis niemer, wo de Flug hetti choene naeh.
Ja, nach uesem letschte Itrag u uesem suprige Nightdive uf de Gili Island (fette Oktopus himer gseh!!) hi mier ues via Boot i 4 Taeg, 3 Naecht ufne spannendi, lustigi u abenteuerlichi Reis auf nach Labuan Bajo, Flores, gmacht. Jedes Detail vo dem Trip wer erwaehnenswert aber mier maches churz: Aes isch super gsi u mir hi e extrem gueti Gruppe an Board gha - si 15 Luet gsi u mit es paarne simer naer no witerzoge u mit ALLNE himers sehr sehr lustig u guet gha! Stopps uf wahnsinnig schoene, chline, mit wissem Sandstrand gsegnete Inseli inklusive Schnorchle si es absoluts Erlaebnis gsi, sowie dr Bsuech vo de Komodowarane inkl. emene haarstreubende u scho fasch fahrlaessig laebensgfaehrliche Walk ufer Insle Rinca (beinhaltet Komodowarane und drei sehr giftige Schlangenarten - u si hi ues i Flip Flops + churze Hose duere Busch gschickt (d Guides hi aller lengi Hosi u guets Schuehwerk anne gha) - mier hi also aller gschwitzt u das ned nume waeger Wermi... u hi tatsaechlich e hochgiftigi green Viper kruetzt...).
Sogar dr Food uf somene relativ chline Boot isch sidefiin gsi - d Huehner si gad frisch gschlachtet worde (ufem Boot) u jede Tag himer es Fischerboot kruetzt, wo ues "der Fang des Tages" het verbii bracht.
Nach viele Komododragons u suesch no extrem spezielle Tierli (auf Land und unter Wasser) si mier due in beautiful Labuan Bajo acho u hi dert 3 gmuetlichi Taegli verbracht.
Mittlerwile simer bereits via Flugzeug uf Ende, mit Bus auf Moni (chlises Bergdoerfli am Rande eines Vulkans) u am naechste Tag mit Motorbike selber ufe Vulkan zu de wunderschoene Seeli gfahre (Kelimutu). Am naechste Tag himer scho ume z Flugi gnoh fuer zrueg uf Labuan Bajo.
Die ganzi Prozedur isch nume 3 Taeg gange aber fuer ues es unglublichs Erlaebnis gsi, da mier bi es paar iheimische Jungs hi bire "Huusiweihigsparty" uf indonesischi Art doerfe derbii si - u das het e massive Arakkonsum (indonesische Schnaps "ungeniessbar!!") u e spezielli Zeremonie um Mitternacht beinhaltet.
Ja, zrug in Labuan Bajo u direkt witer uf Kanawa Island fuer 2 Taegli chli ga entspanne - u iz simer ume da in Labuan Bajo u goeh Morn ufne taegige Tauchgang mit 2 Dives inkl. Zmittag ufem Boot - mier si voller Vorfreude.
Also, wie gesagt - mier si im Stress (Abschiedsessen mit es paarne Schwede + Hollender womer hi lehre kenne! :) - aber schicke euch e fette Busserl usem wuerklich FUER UES wunderschoene, idrueckliche Land des Laechelns u denke fescht a euch.
Haebet Sorg u mir hi euch uh gern.
Steff + Chanti
Mittwoch, 3. April 2013
Augen AUF und durch.. :)
Uesi Zueverlaessigkiit in Punkto Blog schribe u Fotos uechelade wird ir naechste Zit oepe chli zu Wuenschen uebrig lah: hi ir letschte 4tel Stund probiert, Fotos uechezlade aber nach knapp 10min himer ufgaeh, kes Inzigs hets choene lade. Scusa
Aber mier gaebe ues Mueh, dasmer vilich irgendwo anders de e besseri Verbindig finde u dert es Foeti, zwue choene druflade.
Mier si mittlerwile, nach 3 Taegli Bali, wo ues ned usem Hocker hi grisse (EXTREM ueberlueffe in Kuta, draeckige Strand, viil Ghueder am Strasserand, viel naervigi Haendler, u doch hets si Reiz mit dene wunderschoene Riisfelder u sicher anderne, schoenere Strendli), sit fasch ere Wuche uf Gili Trawangan, e Kleininsel naebe Lombok u wunderschoen.
Sonne, Strand und TAUCHEN, was wollen wir mehr? Ou ja, ned z vergesse di feine, guenstige Cocktails... mmhh...u ds feine Aesse ufem Abendmaerit (es git vo gebratene Nudeln uber Reis oder Curry oder Pancakes alles, was das asiatische Herz begehrt u das zum Durchschnittspreis vo 1.50 - 2.00 CHF).
Z Tauche het ues voellig packt... mir hi hie zwe Touchgaeng gha u huet Abe gits e Nightdive (Tauchen bei Nacht) u mier gfreue ues, naebst es paar "Angstschweisstroepfli" vo mier, sehr sehr fescht.
Igentlich hette mier huet wele witer reise Richtung Flores, hi e 4-taegigi Bootstour mit Zwischenhalten uf chlinere Inseli und o uf Komodo (wo d Warane dahiime si) buechet aber leider isch z Boot kaputt (mir his nachem uschecke u, fuer Chaefer no fasch schlimmer, nachem fruehe ufstah erfahre) u somit choene mier ersch Morn gah - isch aber o ok, git duetlich schlimmers, als uf dere Insle womer si z strande :)
Mier halte euch sicher ufem Luufende u aebe, gaebe ues Mueh, mal es Foeti drufztue!
Bis gli gli gli, denke fescht a euch u schickenech chli Wermi u Sunne, a daem manglets hie naemlich gar ned :)
Mutchas Muntschas Steff + Chanti
Aber mier gaebe ues Mueh, dasmer vilich irgendwo anders de e besseri Verbindig finde u dert es Foeti, zwue choene druflade.
Mier si mittlerwile, nach 3 Taegli Bali, wo ues ned usem Hocker hi grisse (EXTREM ueberlueffe in Kuta, draeckige Strand, viil Ghueder am Strasserand, viel naervigi Haendler, u doch hets si Reiz mit dene wunderschoene Riisfelder u sicher anderne, schoenere Strendli), sit fasch ere Wuche uf Gili Trawangan, e Kleininsel naebe Lombok u wunderschoen.
Sonne, Strand und TAUCHEN, was wollen wir mehr? Ou ja, ned z vergesse di feine, guenstige Cocktails... mmhh...u ds feine Aesse ufem Abendmaerit (es git vo gebratene Nudeln uber Reis oder Curry oder Pancakes alles, was das asiatische Herz begehrt u das zum Durchschnittspreis vo 1.50 - 2.00 CHF).
Z Tauche het ues voellig packt... mir hi hie zwe Touchgaeng gha u huet Abe gits e Nightdive (Tauchen bei Nacht) u mier gfreue ues, naebst es paar "Angstschweisstroepfli" vo mier, sehr sehr fescht.
Igentlich hette mier huet wele witer reise Richtung Flores, hi e 4-taegigi Bootstour mit Zwischenhalten uf chlinere Inseli und o uf Komodo (wo d Warane dahiime si) buechet aber leider isch z Boot kaputt (mir his nachem uschecke u, fuer Chaefer no fasch schlimmer, nachem fruehe ufstah erfahre) u somit choene mier ersch Morn gah - isch aber o ok, git duetlich schlimmers, als uf dere Insle womer si z strande :)
Mier halte euch sicher ufem Luufende u aebe, gaebe ues Mueh, mal es Foeti drufztue!
Bis gli gli gli, denke fescht a euch u schickenech chli Wermi u Sunne, a daem manglets hie naemlich gar ned :)
Mutchas Muntschas Steff + Chanti
Abonnieren
Posts (Atom)