Auf Tuchfuehlung mit Kangarooos..

Guten Tag allerseits und wir heissen euch herzlich willkommen im Lande der Kaengurus :)

Und schon wieder sind paar Tage vergangen (es git uh schnell!) ues gits hervorragend :) Nach uesem sehr churze u agnaehme Flug nach beautiful Melbourne si mir 3 Taegli z Melbourne saelber blibe.
Super Stadt - we ned sogar di Schoensti (fuer ues) i ganz Australie! Extrem cool isch, dases viel nueii Gebaeude het, aber me o uh viel alti, viktorianischi Architektur cha beguetachte - dae Kontrast faegt extrem! U no besser: Aes het extrem suprigi, engi, versteckti u seehr gmuetlichi Naebestraessleni mit Kafis, Laedeli u ifach uh viel Charme.
Ds Hostel in Melbourne het uesi Reservierig "verlore", mir hi aber e Bestaetigung fuernes Doppelruuemli gha u, da si usbuechet si gsi, hi mier naer drfuer gratis imene 4-Bett-Zimmer choene pfuse - auch nicht schlecht :)
Melbourne faegt, het raecht viel zum agugge u zum mache, isch also super gsi, paar Taegli dert z verwile.
Was wir nicht wussten - Formula 1...... zu dieser Zeit in Melbourne - also loos u mal ga gugge, wi das so tuet... Da d Zueschouerplaetz fuer ds Renne usverchuft si gsi (u die aelwe o ueses Budget chli hette gsprengt) hi mir naer Billett gnoh fuere Freitag aka Trainingstag u mir muesse saege: Das isch abartig LAUT; (an dieser Stelle ein dickes Dankeschoen an die nette Kaffeefrau auf dem Gelaende, die gratis Oropax verteilt hat); aber scho super, das mal choenne z gseh.
Ig persoenlich (Chanti) wuerdi mi eher weniger als Formel 1 Fan beschribe (ha das ging, naebst Boxe u Schach, als ihni vo de uninteressantischte Sportarte gfunde - (sorry an die Fans...)) u o fuer Chaefer gits sicher no chli spannenders aber so live hets wuerklich riese gfaegt - di Gschwindigkiit isch abartig u ds Gelaende RIESIG, mier si a dem Tag sicher bis zu 10 Km umeglueffe :) Bemerkenswert an dieser Stelle isch sicher o Chaefer si "Publikumsuftritt" bimene sehr lustige, no net wuerklich professionelle aber wuerklich sehenswerte Magier - Chaefer het jede Trick duerschout (ig net - drum hanis vilich o so super gfunde hihi) u het am Magier z Laebe o chli schwerer gmacht - het also riese gfaegt :)

Da uese Flug naer vo Adelaide us Richtig Weste isch gange hi mier ues entschide, e gfuehrti Tour vo Melbourne bis Adelaide (via Great Ocean Road, Apollo Bay etc.) z mache;
das isch super gsi - 2 Taegli, 1 Nacht imene Bus mit 23 anderne (sehr flotte u symphatische) Persone u emene extrem zfridnige, lustige (mit britischem Humor gsaegtnete- si Vater isch vo England) Tourguide.
Ufem Programm isch o no Kaenguru - Sightseeing gstande aber Chaefer u dr Tourguide hi da es bitzi vorgriffe u si bi uesem Hostel scho am erste Abe auf Tuchfuehlung - di beide hi es Kaenguru ca. 1.5 Meter vor sich gha :).
Mier hi o no wildi Koalabaere gseh, di si uh haerzig (si stinke, aber si si haerzig).
D Tour isch super gsi, landschaftlich uh schoen u halt o extrem zfride mit dene anderne Luet.
Adelaide... na ja... mir hi ues zum Glueck chli vorinformiert u nume e Tag dert iplanet und - WIR WAREN FROH! There's nothing to do.... aber mal duereluufe u im Paerkli es Kafi trinke chame o dert (isch o net es riese Aforderigsprofil).

Vo Adelaide us simer naer uf Perth, Western Australia, gfloge u ja, fuer mi persoenlich isches irgendwie uh schoen, umi da z si - isch sicher aehnlich wi fuer Chaefer, womer in Neuseeland si acho.
Ha sogar no uesi damaligi "Lieblingsstraessli" gfunde u es isch schoen, albe o chli in Erinnerungen zu schwelgen :)
Perth faegt nach wie vor u isch uh haerzig - u es Tagesusfluegli nach Rottnest Island (ca 1 Std mit dr Faehre vo Perth) isch wunderschön u paradiesisch gsi.
Zudem himers ues net la naeh, es Auto z miete u Richtig Margaret River, di bekanntischti u sicher o ihni vo de gröschte Wiiiregione,  z fahre. 
Von Weinerei zu Weinerei, Degustation ueberall u zwueschedrin hets sogar mal e Cheese- oder e Chocolatefactory gha - mir hi ueser Gaumen also richtig verwoehnt.

Fazit: Australie isch cool gsi, fuer ues aber niemals so schoen u idruecklich wie Neuseeland. Mier freue ues iz uh fescht uf Asie u si riieese gspannt uf Indonesie mit all dene Naturparadies...
Mir befinde ues am Flughafe - ire Stund fluege mier uf Bali - eine neue Aera u mier choenes chum erwarte!

Mier hoffe, euch allne goengs wunderpraechtig u mier schickenech e riieese Busserl us Australie i di (zum Glueck) chli wermer waerdendi Schwiz - mier hi euch uuuuu gaern!
<3 Chäfer & Schnugg

Bye bye beautiful New Zealand

Nume churz.... Hi igentlich ifach no wele Fotos drufdue aber oepis muesse mier fasch no erwaehne...
Mir si, zur Feier vo uesem Autoverkauf, toll iz Bier u nu hurti mit je 20 $ iz Casino ueses Glueck ga versueche. Und?
Wer het aech gwunne, waer verlore?
Niemer het verlore.....
Wer het aech meh gwune?
Niemer het meh....
BEIDI HI JE 300 $ GWUNE hihi :)
Soo, das wers vo ueser Site zum Thema Neuseeland. Mir verbringe di letschte Stuendli no mit gmuetlich umeluufe u Kaffee trinke, hie in Christchurch gits nueme viel suesch..(siehe Fotos...)
Xeht nueme us, wie vorher.
Iz chunt Australien. Si no irgendwie gar ned ir Stimmig aber spetistens im Flugi chunt de das scho :)
Ah, ues gits super!!! Ussert, dass d Neuseeland - Aera duere isch...
Haebet Sorg u bis gli gli gliii
<3

Suedostkueste

 

 

ACHTUNG: Piinguiine in Oamaru

 

 

Beautiful Mt. Cook

 

 

 

Even more beautiful Lake Tekapo

 

 

Chaefer bei den Eisbergen (es isch uh warm gsi)

 

 

Der "angemalene" See :)

 

 

 

Die "angemalenen" Steine im Gletschersee

 

 

 

Traurig.... Christchurch....

 

 

Zu Ehren jedes Opfers des Erdbebens Feb. 2011 ein persoenlich angefertigter Stuhl

(finden wir herzergreifend) 

Ewige Baustelle in Christchurch

(10 - 20 Jahre wirds noch dauern)

Almost JACKPOT** :)

Unsere sehr verehrten Damen und Herren

Mir si mittlerwile in Christchurch, ja, scho fasch sit ere Wuche, da mier ja ueses Auto muesse verchuufe u das chli meh Zit i Aspruch nimmt, als zersch erhofft.
Aber ich greife wieder einmal vor... alles schoen der Reihe nach :)

Nach uesem letschte Itrag simer dr suedlich Tiil vor Suedinsle gfahre u hi unterwegs paar Stops ade maechtige u gwaltige Kuestene gmacht - uh schoen ischs xi.
Mir si naer uf Dunedin gfahre, die populaerste neuseelaendische Studentenstadt u also henne haerzig, cool, stylish, faegig, ifach super. Hi dert 2 Taegli verbracht, im Gaertli dusse Bierli trunke u feini, neuseelendischi Pizza mit Lamm (toent komisch, isch aber fein) gaesse. Also alles in allem ein wirklich gelungener Aufenthalt bei strahlendem Sonnenschein :).

Witer ischs ar Kueste nah ufwerts uf Oamaru, ir Hoffnig, frilaebendi Pinguine z xeh u jaaa, das himer o :)...
Si si zwar soo wit waeg gsi, dass ig (Chant) ohni Bruelle fasch  ki Chance ha gha, se scharf z xeh aber SIE WAREN DA!! Uh haerzig, wisi vor Sunnenuntergang usem Wasser choeme (dr Loufstil isch super!) u es Schlafplaetzli sueche!

Nach Stadt- und Zoofeeling aka Pinguinwatching isch naer ume ine naturlandschaftlich unglublich schoene Flaecke Erde gange - Richtung Mt. Cook.
Mir hi ja o toll Baerge mit Schnee u mir si sicher o ned gad so abartig usgflippt wi d Japaner, wo aelwe zersch Mal i ihrem Laebe Schnee u Berge gseh, ABER.... Region Mt. Cook isch halt nu is chli oepis anders!!!!!
Dr See dert gseht us wi agmalnigs Wasser.... wahnsinnig blau, hellblau, tuerkis. irgendwie surreal u so wunderschoen, komisch, e riesige Berg ir Nechi u naebedrann Wasser wi um d Maledive -HAMMER!
Drzue chunt no e (Zitat Reisefuehrer: von unten eher haesslich wirkenden) Gletscher, wo aber, zu unserem Glueck, vor 1 Wuche e riese Bitz Isch (Eis) isch abbroche u jitz i Form vo verschidene Eisbergen im Seeli umeschwimmt (nebenbei, passiert alle 50 - 100 Jahre...)
Raecht cool, mit churze Hose, Tregershirt u Sonnenbrille bimene Isblock z stah :).
Nach eme im Verglich mitem Kepler Track extrem harmlose Marsch simer naer de witergfahre uf Tekaka u o dert... no is sone abartige See..... Soo schoen!!!

Und danach kam schon die Fahrt Richtung Christchurch.
Chaefer isch ja vor 5 Jahr scho is da gsi u het Christchurch, mit sine wunderbare Bars, Cafes, Restaurants, Laedeli, Chilcheli usw super gfunde. Mir hi ja aber o mitbecho, dass es heftigs Erdbeben vor 2 Jahr (also insgesamt sis 3(!!!!) grossi Erdbebe gsi, September 2010, Februar 2011 u Juni 2011) di Stadt het troffe.
U ja, es isch heftig. Alles weg.... truurig, weme d Blueme gseht, zum Gedenken an die Verstorbenen, di wisse Stuehl, wo si hi haeregstellt, fuer jede Verstorbnig eine. Truurig, die einst so schoenen Gebaude... Es gseht schlimm us, soo viel ligt no ume u so viel Gebaude si beschaediget, aber no ned abgrisse. Aber d Neuseelaender si "Stehauf - Maennchen", u genau das merkt me o hie. Jede denkt positiv - das isch naer ume z Schoene dran!! U mir gniesse uesi Zit hie o so, me darf ifach ned z fescht a das Schicksal denke, wo die Luet hie het troffe. Das isch krass.

Soo u jetz ume zum Punkt Nummer 1 - Autoverkauf...... letscht Sonntag grosser Hoffnung uf de "weltbekannt u absolut lohnenswert" Carmarket fuer 25 Dollar ga z Auto haerestelle, so wies naebst ues ca. 20 anderi Luet hi gmacht. Somit hets 20 Autos gha... und wieviele Interessenten? Rund 2 Luet wo si cho gugge, ufem ganze Market.... Phu heftig.
Mir his aber lustig gha mit paar anderne Schwizer u emene Oestriiicher, wo o hi probiert ihres Auto z verchuufe, aller ohne Erfolg. Zum Glueck gits Campingstuehl, Guezi u Bier/Cider, mier hi ues naer d Zit chli so vertribe  :)

Bitz frustriert aber guten Mutes hi mier ueses Autoagebot iz Internet gstellt, usgschribe, agschribe und und und
....und JA - HEUTE HABEN WIR ES VERKAUFT!!! ueee :)
Juhuuuu u zur Feier des Tages goeh mir naer gad iz Bier/Cider (Chaefer Bier, Chanti Cider) - es schint d Sunne, u es isch super!

Also bis denn dann u e Gruess id Chuchi :)

Stef/Chaefer/Ruegs/Globi + Chant/Shanny/Schaentu/Schnugg