"Nachtrag", Calgary und bye bye Kanada

Guten Tag allerseits - wie bereits im letschte Itrag erwaehnt, si mir d Strecki vo Jasper uf Banff gfahre u hi dert, lut Reisefuehrer, di schoensti Strecki vor Welt doerfe i Agriff neh. Das choene mier nachtraeglich (isch z letscht Mal bitz vergaesse gange) nume bestaetige!! Isch also uuuh schoen gsi - di Icefield Parkways si sehr idruecklich u ifach beautiful. Di kanadische Rocky Mountains si somit iz fuer ues scho duere, da mir sit gester in Calgary verweilen u mir no di letschte Stuendli in beautiful Canada gniesse. Calgary isch speziell, irgendwie schoen, u irgendwie komischerwis am Abe, bis uf paar einzelni Pubs u Straessli, voellig usgstorbe. Jedoch Shoppe chame (leider!!!) hie zimlich guet :) Mir hocke iz gad im Internet-Cafe u das bloede Skype git ifach ned - also ja, d Lutsprecher u d Chopfhoerer, u dr Besitzer hets ned fuer noetig ghalte, ues das mitzteile :(
Drum duemer halt, anstatt telefoniere, no is uese Blog update, bevor mir ues huet Nami de langsam ufe Waeg mache Richtung USA. :)
Die Zeit vergeht im Fluge - scho bereits Morn soette mir bim Yellostone Nationalpark itreffe u dert wimer ca. 3 Taegli verbringe (xehmer ja de). A propos Wetter - Update: 1 Tag Regen, 23 Taege Sonnenschein - Wetterprognose: Sonne, Sonne, Sonne :)
Mier hoffe, dass es ir Schwiz ned allzu chalt blibt und ier eui Heizige no chli choent schone. :)

Mier denke fescht a euch (gniesses aber natuerlich scho raecht hie :) ) u druecke euch ganz fescht!

Muntsch us Calgary**

Lake Louise & Banff

Hello together - mir sis scho umi u mir si mittlerwile z Banff - es isch also uh haerzig da - zwar sehr touristisch aber es wunderschoens, chlises Stedtli mit hervorragendem Kafi, coole Laedeli (mir hi beidi scho gsuendiget...) ure wureklich schoene Kulisse. Mir si vorher no zu dem bekannte Lake Louise - isch schoen, aber extrem ueberlueffe u fuer ues iz also ned schoener gsi als bispilswiis dr Kinney Lake (vo dem isch ds Foto wo mir beidi druffe si) u naer no via Golden uf Radium Hot Springs. Dert simer ga baedeler (im schoen 39 gredigem Wasser) u imene super Pub ein paar Bierchen (ig Amaretto Sour) ga naeh. Dr Rueckweg uf Banff hi mier due via Kootenay Nationalpark gnoh u das isch e extrem idruecklechi, interessanti, schoen und zugleich fasch e bitz e truurigi Fahrt gsi. Viil Buuem si vom Fuuer zerstoert worde u das git es extrem speziells Bild ab. Idruecklich.
Wie gesagt - iz simer z Banff u blibe sicher no zwe, druue Taegli da u gniesses e biz hie im kleinen, feinen Doerfchen in den schoenen, kanadischen Rockies :)
Ah u a propos (Dad) - mir hi bis jitz ging wunderbar Wetter gha bis uf 1 Tag wo biz schitter gsi isch - aber REGEN HABEN WIR NOCH NICHT GESEHEN  :).

Ganz ganz liebi Gruessli u mir hi euch gaern!!***

no paar Bildli...

 Kinney Lake :)

Abschlussfoto mit Hausi (Chilko River Lodge ir Nechi vo Tatla Lake), Lehmanns, Marcel, Andreas u ar Margrit

und wir korrigieren uns.....

 

 Mittlerwile sis 23 Baere - dae hie isch direkt naeb uesem Auto duereglueffe.........

u dae hie isch ir Nechi vom Tatla Lake - ae chline Grizzly, wo sis Aesse am gniesse isch :)

Ah voila - serigi Exemplar himer also ono atroffe....(im Jasper Nationalpark)

Wie versprochen....

 Sunneuntergang in Ucluelet

Strand in Tofino

Chilko River Lodge & die ersten Baeren

Hello again, mier si iz gad vor paar Minute in beautiful Jasper acho :) Sit uesem letschte Itrag himer viel erlaebt, viel gmacht u viel gseh. Mir si ja Ruegs si WK-Kolleg zu Hausis Chilko River Lodge ga bsueche u das isch also bis jitz igentlich z Highlight gsi... gad womer si achoo himer afe mal mit ufe See choenne u scho churz nacher Akunft am See himer di erste Baere gseh :-) Total simer uf 20 Grizzlys u 1 Brunbaer cho (Livi - n Braunbaer hihi) u a propos See, mir si ga fische u mir hi also es Fischi mit dr stolze Groessi vo 48cm gfange u dae Cheib am naechste Tag gad ufe Grill gworfe u gaesse :) Frische Fische mmh :) Ade Aebe womer dert si gsi simer jewils mit de andere Gest umene Bierli, zwei, vor z Fuuerli ghocket u hi dr Abe la usklinge... mir si also voellig ir Pampe gsi aber es isch es Highlight gsi. Hi ues vorgnoh, Morn de no es Bildi vomene Baer uechezlade...

Gester simer no bim Mt. Robson ga wandere - isch also o super gsi..

Haebets guet u bis gli gli

Ŀiebi Gruessli us Jasper

Über Vancouver & Vancouver Island u dr erscht Schnee...

Das üs besser uf Bärndütsch git, schribe mier i Zuekunft lieber gad i Mundart :) Üs gits super, mir hi dr Ufenthalt ir wunderschönä, absolut sehenswärtä Stadt Vancouver sehr gnosse, hi gefühlte 20 km z Fuess zrüggliit, es Velo gmietet, Sushi (mmh) gässe u Bierli trunke - isch also sidäfiin gsi!!! Rüegs het nach langem Suchen (isch chli übertribe) no z Stadion vodä Vancouver Canucks (Hockeymannschaft) chöne ga agugge u mier hi am Abä ir Bar näb üsem Hostel sogar on Fedi bim Tennis die Daumen gedrückt... Gnützt hets leider ja äbä ned viel.

Nachdäm mier üse fahrbar Untersatz (dä isch super, es Wohnmobil, ned z gross, ned z chli - ifach perfekt) hi abgholt gha, si mir due när mit dr Fähre uf Vancouver Island u via Port Alberni (chlises Fischerdörfli), womer hi übernachtet, uf Tofino. Tofino isch unseres Wissens rächt bekannt - üs hets its ned vom Hocker grisse, also es isch uh härzig u het o paar wunderschöni Plätzli - mir si due aber när glich mal no Richtig Ucluelet gfahre - Niemer kennts würklich u niemer hets üs empfohle, aber Rüegs het Lust gha dert häre z fahre u ds het sich meh als glohnt... Hennä heennä härzigs Fischerdörfli am Hafä, wunderschöni Natur u ä Sunnäuntergang... also so öpis schöns himer glub beidi no sälte gseh!! Sogar Seehünd si am Abä no im Hafä umegschwume :)

Dr Tag druf simer due ume retour Richtig Abfahrtsort vor Fähre für zrüg uf Vancouver gfahre u när gad direkt witers Richig Whistler. Hmm was sell mä zu Whistler säge - s isch härzig - gseht gemäss Rüegs chli us wie Gstaad u isch ifach, sorry füre Usdruck, sacketeuer.... Vor allem ischs hennä frisch gsi mier si fasch chli überforderet gsi mit därä "Chelti" :)
Also, Whistler für üs eher Daumen runter oder so chli sitwärts als Daumen hoch, macht aber nichts, will d Witerfahrt isch drfür umso schöner gsi.. Di Landschaft.. Mir müesse de is paar Bildeni uechelade. Hennä schön.....u igentlich scho fasch z mächtig, fürs uf de Bilder richtig chöne festzhalte. Macht ja aber o nix :)

Mir hi üs iz langsam ufe Wäg für a Tatla Lake gmacht, das isch irgendwo im Chrut ussä u ned ämal di Ihiimische kennes, aber Rüegs si Kolleg isch dert am Fische u mir göh iz mal für Paar Tägli dert häre - mal voller Vorfreude üses Glück mitem Fischä faa ga usäfordere. Dr Wäg derthäre füehrt üs id Höchi u mir hi vori gad sogar scho dr erscht Schnee gseh.... :)
Ou ja, Bärä himer leider no kiner gseh, drfür Unmengen vo Eichhörneni (uuuuuuh härzig), Rentier oder so u äbä Seehünd...

Liebi Güess*

Goodbye zurich and welcome vancouver...

Guten Morgen allerseits - es ist nun 06.55 Uhr in Vancouver und wir sind tatsaechlich schon wach... :) Nach anfaenglichen Schlotteranfaellen und Beinahenervenzusammenbruechen am Dienstagmorgen (also vor allem von mir) war die Reise nach Vancouver sehr angenehm und kurzweililg - der Flug von Zuerich nach London dauerte nur 1.5 Stunden und die Wartezeit ging dank Bierchen und "gspritztem Wisse" auch sehr sehr schnell vorueber und dann kam da noch der Flug von London nach Vancouver und, ausser einem etwas komisch schlafenden asiatischem Sitznachbarn kamen wir, trotz verspaetetem Abflug, ca um 19.00 Uhr Ortszeit in Vancouver sehr gut an... gingen dann mal ins Hostel und nach dem Check-in noch auf ein weiteres Bierchen, bevor wir dann schon etwas uebermuedet schlafen gingen. Vancouver gefaellt uns bis anhin sehr, haben noch nicht viel gesehen und doch sind wir eigentlich schon hin und weg.. die Leute sind seehr freundlich und die Stadt sieht wunderschoen aus - wir freuen uns auf den heutigen Tag und, uebrigens, es scheint die Sonne.... :)